Post | The Sound Initiative

ថ្មីៗនេះយើងមានការសន្ទនាជាមួយ BENT.LY អាយុ ២១ឆ្នាំ ដែលជាសិល្បករម្នាក់នៅក្នុងកម្មវិធីសិក្សាដំបូងបង្អស់របស់ The Sound Initiative ក្នុងឆ្នាំ ២០១៨ ។ គាត់បានសហការនិងចេញបទចម្រៀងចំនួន ៣ តាមរយៈអាល់ប៊ុម Soundwave ២០២១សោតាអារម្មណ៌ នៅចុងឆ្នាំមុន។ នៅឆ្នាំនេះគាត់បានចេញផ្សាយ EP របស់គាត់ដែលមានចំណងជើងថា“ Wretched Peace” ។

អ្វីដែលនាំឱ្យBentlyចូលទៅក្នុងវិស័យតន្ត្រីដំបូង?

ចាប់ផ្ដើមពីចូលសកលវិទ្យាល័យដំបូង ខ្ញុំមានអារម្មណ៍ថាទទួលយកមិនបានទេហើយចង់ធ្វើអីផ្សេង បន្ទាប់មកខ្ញុំបានឃើញproducerក្មេងៗ ដែលធ្វើការជាមួយ artist ល្បីៗ ដូច្នេះខ្ញុំបានគិតដោយខ្លួនឯងថាហេតុអ្វីបានជាខ្ញុំមិនអាចធ្វើដូចពួកគេ?

ខ្ញុំស្រលាញ់តន្រ្តីតាំងពីខ្ញុំនៅក្មេងប៉ុន្តែខ្ញុំមិនដែលគិតថាខ្ញុំចង់ក្លាយជាតារាចំរៀង រឺProducerអីទេ។ ខ្ញុំចាប់ផ្តើមចង់និពន្ធតន្រ្ដីដំបូង តែម្តាយខ្ញុំមិនពេញចិត្ត ពីព្រោះតាមទស្សនវិស័យរបស់គាត់ អាជីពតន្រ្តីគឺមិនអាចទៅរួចទេ។ គាត់បានប្រាប់ខ្ញុំឱ្យបន្តការសិក្សានៅសាកលវិទ្យាល័យ ។

តើសិល្បករមួយណាបំផុសចិត្តអ្នក និងជំរុញអ្នកអោយនិពន្ធចម្រៀង ?

អ្នកផលិតដំបូងបង្អស់ម្នាក់ដែលបានជំរុញគំនិតខ្ញុំអោយចាប់ផ្ដើមនិពន្ធចម្រៀងគឺ Metro Boomin។ អាល់ប៊ុមរបស់គាត់ជាមួយ 21 Savage “ Savage Mode”គឺជាអាល់ប៊ុមដំបូងបង្អស់ដែលខ្ញុំស្តាប់ហើយខ្ញុំចង់សរសេរតន្ត្រីតែម្ដង។

វាគឺនៅជុំវិញឆ្នាំ 2016 ហើយខ្ញុំក៏តាំងចិត្តធ្វើជាសិល្បករអាជីពផងដែរ។

ចំពោះសិល្បករដែលជម្រុញអោយខ្ញុំច្រៀងវិញគឺ Bryson Tiller ។ គាត់ទើបតែចាប់ផ្តើមផងដែរប៉ុន្តែគាត់មានការវាយលុកយ៉ាងខ្លាំង ដូច្នេះខ្ញុំក៏មានអារម្មណ៍ថាខ្ញុំក៏អាចធ្វើវាបានដែរ។ ខ្ញុំបានច្រៀងចម្រៀងរបស់គាត់នៅពេលខ្ញុំធ្វើតេស្តចូលPPIIA ពេលនោះខ្ញុំភ័យណាស់ហើយខ្ញុំមិនដឹងថាតើប្រតិកម្មរបស់គ្រូនោះយ៉ាងម៉េចទេ។សំណាងដែលគាត់បានឃើញសក្តានុពលនៅក្នុងខ្ញុំហើយបង្រៀនខ្ញុំយ៉ាងល្អ។

តើអាល់ប៊ុមមួយណាដែលអ្នកចូលចិត្តជាងគេ?

ខ្ញុំស្រឡាញ់ Trilogy ដោយThe Weeknd។ ការងាររបស់ខ្ញុំត្រូវបានជម្រុញយ៉ាងខ្លាំងពីអាល់ប៊ុមមួយនេះផងដែរ។

តើអ្វីទៅជាការបំផុសគំនិតនៅពីក្រោយEPមួយនេះ?

ចម្រៀងទាំងអស់នៅលើ EP របស់ខ្ញុំ វាគឺអំពីបទពិសោធន៍ជីវិតពិតរបស់ខ្ញុំនិងមិត្តភក្តិរបស់ខ្ញុំ។ វាជារឿងរ៉ាវទាំងអស់ដែលខ្ញុំមិនអាចប្រាប់ដល់មនុស្សផ្សេងទៀតដូច្នេះខ្ញុំបានយករឿងនោះមកសរសេរជាចម្រៀងវិញ ខ្ញុំគ្រាន់តែចង់ច្រៀងអំពីការពិតរបស់ខ្ញុំហើយសង្ឃឹមថាអ្នកស្តាប់អាចយល់នឹងអ្វីដែលខ្ញុំបានឆ្លងកាត់។

តើWretched Peace វាមានន័យយ៉ាងដូចម្តេចចំពោះអ្នក?

Wretched Peace - ឆ្លងកាត់ឋាននរកគ្រាន់តែដើម្បីរកពន្លឺនៅចុងបញ្ចប់។ វាដូចជាអ្វីដែលខ្ញុំបានឆ្លងកាត់ការលំបាកទាំងអស់និងបន្តរហូតដល់ពេលរកឃើញសន្តិភាព។

តើអ្នកបានធ្វើការលើ EP នេះអស់រយៈពេលប៉ុន្មានខែមកហើយ?

ខ្ញុំចាប់ផ្តើមនៅជុំវិញឆ្នាំ ២០១៩ កំឡុងពេលខ្ញុំនៅតែនៅក្នុងកម្មវិធី TSI ហើយខ្ញុំកំពុងសរសេរវារហូតដល់ឆ្នាំ ២០២១ ។ ៣ ឆ្នាំសម្រាប់ ៥ បទ។

ក្រៅពីច្រៀង អ្នកក៏ចេះផលិតចម្រៀងរបស់អ្នកផងដែរ។ តើដំណើរការនោះយ៉ាងម៉េចដែរក្នុងកំឡុងពេលផលិតEPនេះ?

ខ្ញុំចាប់ផ្តើមដោយសរសេរចម្រៀងហើយផ្ញើវាទៅមិត្តភ័ក្ត្រផលិតកររបស់ខ្ញុំដើម្បីឱ្យមានយោបល់ខ្លះ។ មិត្តភក្តិនោះគឺជាមិត្តរួមថ្នាក់របស់ខ្ញុំមកពី TSI, Larry Zinc។ ខ្ញុំបានសុំអោយ Larry ជួយក្នុងបទ ដៃគ្របមុខ និង បែរខ្នង ដូច្នេះគាត់គឺជាសហផលិតករលើបទចម្រៀងទាំងពីរនោះ។ បទផ្សេងទៀត បន្ទាប់ពីខ្ញុំបានធ្វើរួច ខ្ញុំទទួលបានមតិពី Nighttone ហើយគាត់មានយោបល់ជាច្រើនដែលប្រែទៅជាប្រសើរជាងមុន ១០ ដង។ Nighttone និងLarry Zinc គឺជាសហផលិតករនៅក្នុងEPនេះ ប៉ុន្ដែចម្រៀងចុងក្រោយគឺជាស្នាដៃរបស់ខ្ញុំទាំងស្រុង។

ដំណើរការនៃការបង្កើតបទចម្រៀងគីមិនដែលដូចគ្នាទាំងអស់ទេ។ នៅក្នុងបទចំរៀងខ្លះ ខ្ញុំបានចាប់ផ្តើមជាមួយនឹង Meloday និងបទភ្លេងមុន និងការស្វែងរកChordsត្រឹមត្រូវ បន្ទាប់មកខ្ញុំតែងតែព្យាយាមសរសេរ Chorus និង Verse។ ភាគច្រើនខ្ញុំធ្វើភ្លេងមុនព្រោះខ្ញុំត្រូវពេញចិត្តនឹងតន្រ្តីជាមុនសិនដើម្បីបន្តសរសេរទៀត។ មានពេលមួយនោះ ខ្ញុំចំណាយពេលមួយសប្តាហ៍ជាប់គ្នាក្នុងការសរសេរទំនុកច្រៀងឱ្យល្អឥតខ្ចោះ។

តើអ្វីទៅជាផ្នែកដែលរីករាយបំផុតនៃដំណើរការនេះ?

ការធ្វើភ្លេងពិតជាផ្នែកសប្បាយបំផុត ព្រោះការច្នៃប្រឌិតរបស់ខ្ញុំកាន់តែប្រសើរនៅពេលដែលខ្ញុំបង្កើតចម្រៀងជាជាងការនិពន្ធទំនុកច្រៀង។

តើអ្នកបានបង្កើតគំនិតសម្រាប់ Cover Art ដោយរបៀបណា?

ខ្ញុំចាំបានថាធ្លាប់ក្រឡេកមើល Cover Art របស់ Kendrick Lamar សម្រាប់បទ Humble ។ គាត់បានឈរបែរខ្នងជាមួយនឹងពន្លឺភ្លើងនៅខាងក្រោយគាត់។វាធ្វើឱ្យខ្ញុំចាប់អារម្មណ៍ហើយខ្ញុំចង់បង្កើតអ្វីមួយដែលមានខ្លឹមសារប្រហាក់ប្រហែលដែរ។

ខ្ញុំបានផ្ញើរូបថតទាំងអស់របស់ខ្ញុំទៅ Graphic Designer របស់ខ្ញុំហើយខ្ញុំចង់អោយវាមានរលកសម្លេងចេញពីមាត់ខ្ញុំ។ខ្ញុំក៏មានសំុអោយវាមានចលនាដើម្បីធ្វើឱ្យវាកាន់តែគួរឱ្យចាប់អារម្មណ៍ ដើម្បីជៀសវាងស្ថេរភាពនិងគួរឱ្យធុញទ្រាន់។

តើយើងនឹងមាន MV ពី EP នេះនាពេលខាងមុខនេះទេ?

ប្រហែល! តែខ្ញុំមិនអាចសន្យាបានទេ ដោយសារតែស្ថានភាពបច្ចុប្បន្ននេះ ហើយគ្រាន់តែចង់មានគំនិតអោយពេញលេញមុនពេលខ្ញុំចាប់ផ្ដើមអ្វីមួយ។

បើមានឱកាស តើបទណាដែលអ្នកចង់សម្តែងផ្ទាល់ជាងគេ?

ខ្ញុំចង់សម្តែងទាំងអស់ប៉ុន្តែប្រសិនបើខ្ញុំត្រូវជ្រើសរើស វាត្រូវតែជា“ ជាអូនឬ?” ។

ខ្ញុំចង់មានពេលវេលារបៀប Cinematic ជាមួយទស្សនិកជន ហើយការសម្តែងផ្ទាល់គឺអស្ចារ្យណាស់ក្នុងការភ្ជាប់ទំនាក់ទំនងជាមួយពួកគេផងដែរ។ គ្រាន់តែគិត វាធ្វើឱ្យខ្ញុំរំភើបណាស់។

តើមូលហេតុអ្វីបាន សម្រេចចិត្តថាចេញEPនៅពេលនេះដែរ?

តាមពិតទៅ ខ្ញុំចង់ Release វានៅខែមីនា - មេសាឆ្នាំមុនមកម៉្លេះ ប៉ុន្តែនោះគឺជាការចាប់ផ្តើមនៃការបិទខ្ទប់ហើយ ចៃដន្យខ្ញុំធ្លាក់ខ្លួនឈឺក្នុងពេលតែមួយហើយវេជ្ជបណ្ឌិតត្រូវបានណែនាំឱ្យសម្រាក។ បន្ទាប់ពីស្ថានភាពបានធូរស្រាលក្នុងឆ្នាំ ២០២០ ខ្ញុំគ្រោងនឹងចេញផ្សាយវាម្តងទៀតនៅខែមីនាដល់ខែមេសាឆ្នាំ ២០២១។ ឆ្នាំ ២០២១ វិលជុំវិញហើយ ស្ថានភាពនៅតែអាក្រក់ដូច្នេះខ្ញុំទើបតែសម្រេចចិត្តReleaseវាតែម្ដង។ ហើយសំរាប់ពេលនេះ ខ្ញុំជាសិល្បករឯករាជ្យទាំងស្រុងប៉ុន្តែនៅពេលអនាគតខ្ញុំគិតថាខ្ញុំត្រូវធ្វើផែនការReleaseល្អជាងនេះ។

តើចក្ខុវិស័យរបស់អ្នកចំពោះ EP បច្ចុប្បន្ននេះជាអ្វី?

ជាការពិតមនុស្សគ្រប់គ្នាចង់អោយការងាររបស់ពួកគេទទួលជោគជ័យប៉ុន្តែខ្ញុំមិនចង់ដាក់ក្តីសង្ឃឹមច្រើនពេកលើការងាររបស់ខ្ញុំទេ។ការដាក់គោលដៅខ្ពស់ពេកនាំឱ្យមានការខកចិត្តហើយខ្ញុំមិនចង់ផ្តល់ឱ្យខ្លួនឯងនូវការថប់បារម្ភអំពីPerformance នៃEPនេះដែរ។

តើមានអ្វីបន្ទាប់សម្រាប់ BENT.LY?

ខ្ញុំកំពុងធ្វើការលើតន្រ្តីថ្មីៗ។ ខ្ញុំមិនអាចនិយាយអ្វីច្រើនជាងនេះទេ!

តើមានដំបូន្មានអ្វីដល់អ្នកដែលចង់ចាប់ផ្តើមអាជីពតន្រ្តីផ្ទាល់ខ្លួន?

ចំពោះសិល្បករថ្មីណាដែលចង់ចាប់ផ្តើម ខ្ញុំក៏ជាសិល្បករថ្មីម្នាក់ប៉ុន្តែខ្ញុំចង់និយាយថានៅតែឆ្ពោះបន្តទៅមុខទៀត។ កុំភ្លេចសិក្សាផ្នែកអាជីវកម្មនៃតន្ត្រីក៏ដូចជាផ្នែកច្នៃប្រឌិត។ វាមានសារៈសំខាន់ខ្លាំងណាស់សម្រាប់អាជីពរបស់អ្នកទៅថ្ងៃមុខទៅ។

Be the best version of yourself, and don’t try to act like anybody else because that will destroy your identity as a human and artist.

WRETCHED PEACE IS OUT NOW EVERYWHERE. LISTEN HERE

Written By : Irene Hang